قناه الواقع...الحقونا ...

قامت قناه الواقع بعرض هذه الموضوع في برنامجها المعروف كلام
الناس..دي مش اغنيه جورج و سوف
المهم قام رئيس القناه الاستاذ(بوحه)باستدعاء المذيع المحبوب قوي (اللمبي) ليناقشوا حلقه الاسبوع هيعملوا فيها ايه قبل ما يتفضحوا فقال اللمبي حلقه الاسبوع عن الحشيش فقال له بوحه الموضوع دا جامد يا لمبي وهيعمل ضجه في الشارع فقام اللمبي بلف سيجارتين حشيش وولعها وطرف ازازتين بيره ثم اعطاها لبوحه واخذوا يفكروا ازاي هتطلع الحلقه دي للناس ..فقال اللمبي سوف اقوم بجوله شورعيه لاتعرف علي الحقيقه فقال له بوحه .لمبي انا عاوز حلقه جامده ..فرد اللمبي قشطه يا معلم.. وعندها خرج اللمبي وقام بلف سيجاره اخري واخذ يفكر حتي نام..


في اليوم التالي ذهب اللمبي الي صديق عمره (اشرف كخه) وقال له انا عاوز اعمل موضوع عن الحشيش ..اعمل ايه يا اشرف فقال اشرف لازم تروح غرزه يا معلم وتشوف الناس هناك بتعمل ايه..فقال اللمبي قشطه يا معلم يلا نروح..راح اللمبي واشرف لغرزه مشهوره في وسط البلد بتاعت (ذيكا تلوث) دا مش بتاع السندوتشات الفاسده دا واحد تاني..المهم دخلوا الغرزه وقام اللمبي بعمل حوار مع احد الحشاشين . اللمبي: مساء الخير يا معلم
الحشاش:مساء الفل يا حج
اللمبي:ممكن اسئلك سوال
الحشاش:اسال يا حج
اللمبي:انت ليه بتشرب حشيش
الحشاش: يا استاذ لمبي الموضوع دا كبير انا شاب ولسا مخلص كليه وطبعا زي أي شاب محترم كان لا زم اشتغل .بقالي 5 سنين بدور علي شغل وكل يوم زي الا قبليه لغايت مزهقت .ومستني القوي العامله تلاقيلي شغل
اللمبي:ربنا يوفقك ....لا تعليق


الحشاش التاني
اللمبي: ممكن تحقيلي حكايتك مع الحشيش
الحشاش:انا بقي اشتغلت في الخليج وربنا وفقني ومتجوز وعندي عيل
المهم وانا في الخليج كنت بشتغل وحوش الفلوس علشان لما انزل اعيش مستور ولما رجعت قلت يلا اعمل مشروع علشان تعيش منه مستور وعملت مصنع ملابس .شهر يا استاذ لمبي والضرائب قفلتهولي .ودخلت السجن ومراتي خلعتني .ولما خرجت حياتي بازت فشربت حشيش علشان اعمل دماغ وفكر
اللمبي:خلاص يا عم قطعت قلبي
في النهايه قام اللمبي بعمل سيجاره وشربها ونسي الموضوع والحلقه ومدير القناه...(يلا مهي بازت)
اللمبي اكتئب يا بنادمين
مع حلقه اخري من برنامج كلام الناس لما اللمبي يفوق
سلامممممم


انا اسف اني طولت عليكم.بس انا معملتش الموضوع ده علشان نضحك .ولا اشتغاله...انا عملته علشان نعرف حاجه مهمه ان لا المخدرات
ولا الخمره هتحللنا مشكلنا..وربنا يخلي الحكومه